Hiria

Bilbo, Bizkaiko lurralde historikoaren hiriburua (Euskadi), tradizioan murgiltzen da gaur egun, eta deskubritzen dutenen begietara altxatzen da, harritzeko moduko modernotasun kutsuarekin. Bilbo hiri bat da, mundu mailako eraldaketa urbanistikoaren eredu dena, eta bereizgarri bakar eta berezi bihurtzen duten nortasun-ezaugarriei eutsi die.

Bilbo bere “botxo” naturalaren barruan hedatzen da eta zerura zabaltzen da alde zaharrarekin (Zazpi Kaleak) batera bizi den eszenatoki kosmopolita batean, bere historia hasi zen tokian. Kontrastez beteta dago, eta bertatik paseatzea plazer bat dela eta esperientzia asko eskaintzen dituela egiaztatuko duzu.

Hiriak bere burua berrasmatzen jakin du: xarma handiko txokoak eta lehen begi-kolpean antzematen den giro kosmopolita uztartzen ditu. Sakonki ezagutu ahal izango duzu, izaera eman dioten leku eta eraikin adierazgarriak bisitatu ahal izango dituzu, eta bere birmoldaketa ikusgarriaren gakoak aurkitu ahal izango dituzu.

Bazkaltzeko orduan ulertuko duzu zergatik den euskal sukaldaritza hain ezaguna, bere aldera guztietan. Eta nahiago baduzu esperientzia tipikoez gozatu, Bilbok era guztietako esperientziak eskaintzen ditu, inor ez dadin geratu esperientzia horiez gozatu gabe.

Informazio gehiago nahi baduzu, bisitatu BilbaoTurismo.net.

Bilbotik eta Bizkaiko gainerako txokoetatik mugitzea oso erraza da, erabili dezakezun garraio-eskaintzari esker: tranbia, metroa, autobusa, trena, bizikleta eta abar. 

Bilbo hiri erosoa da oinez mugitzeko, baina garraio publikoa aukeratzen baduzu, hirian zehar ibil zaitezke poltsikoan txanponik eraman gabe. Oso erraza da, aukeran baitituzu Barik edo Bilbao Bizkaia Card garraio-txartelak.

Informazio gehiago nahi baduzu, bisitatu BilbaoTurismo.net.

Bilbo inguratzen duten herriak, itsaso aldekoak zein barrualdekoak, historiaz eta xarma naturalez beteta daude, eta horrek liluratu egingo zaitu. Bilbotik harago, Bizkaiko kostaldea kontraste izugarriz beteta dago. Hiru unibertso bizi dira itsasertz berean: industria, historia eta natura bizia.

Industria-ondarearen mugarriak ezagutu ahal izango dituzu Zierbenatik Portugaletera, «Bizkaia Zubia» edo «zubi esekia» delakoaren transbordadorera igo ahal izango duzu kostaldearen alderik dotorenera igarotzeko: Getxora, hiri-hondartzez gainera jauregitxoz eta etxetzarrez betetako udalerrira. Algortako Portu Zaharra bisitatu eta Bizkaiko Golkoko kostalderik basatienetako batean murgildu ahal izango zara: Sopela, Bermeo, Gaztelugatxeko San Juan, Mundaka, Ondarroa, Lekeitio...