Legado

UEFA Women 's Champions Leagueko 2024ko finala aukera paregabea da neskek eta emakumeek futbolean gehiago parte hartzeko; gure kirolaren etorkizuna indartuko duen adibide inspiratzaile bat erakusteko.

Partidu hau ezin da ulertu Bilbo inguruan eta herrialde osoaren testuinguruan emakumezkoen futbolaren hazkundearen eta garapenaren legatu bat utzi gabe.

Hori dela eta, RFEFek planteatzen duen lanak helburu du neskei eta emakumeei kirol seguru eta berdintasunezkoa eskuratzeko aukera gehiago ematea.

Helburuak

  • Euskadin hurrengo denboraldian 11 eta 18 urte bitartekoen lizentzia gehiago egotea nahi dugu. 
  • 2024-2025 denboraldian emakumezkoen talde gehiago sortu nahi ditugu. 
  • Datorren denboraldian emakumezko arbitro federatu gehiago egotea nahi dugu. 
  • Kirolaren garapenean arbitrajeak eta rol horrek duen garrantzia erakusten duten ekintzak sustatzen ditugu.
  • Entrenatzaile lanarekiko interesa sustatzen dugu eta emakumezko entrenatzaile gehiago egoteko motibatzen dugu.
jugadoras ninas

Nola egingo dugu?

  • Inspirazio-kanpaina, maila goreneko enbaxadoreen parte-hartze aktiboarekin 
  • Emakumezkoen arbitrajeari eta jokoan duen rolari buruzko programa 
  • Nesken eskolarteko txapelketa (6 eta 11 urte bitartekoentzat) Bizkaian ikastetxe eta klubekin; eta finalaren testuinguruan partiduak jokatuko dira 
  • Jarduketak Euskal Herriko klub nagusien instalazioetan, eta enbaxadoreen bisitak 6 eta 10 urte bitarteko 1.500 neskato baino gehiagorentzat. 30 ikastetxe inguru inplikatzea proposatzen dugu, emakumezkoen Championseko finalaren aurreko bi hilabeteetan.

Jarduerei buruz

1500 jokalarik, 15 jokalariko 100 taldetan, txapelketa bat jokatuko dute 4 egoitzatan (egoitza bakoitzeko 25 talde), eta zortzi onenak (egoitza bakoitzeko 2) azken fasera sailkatuko dira; horrekin klub eta ikastetxeek hurrengo denboraldiari hasiera emango diote. 

Talde irabazleak San Mames bisitatuko du.

Jokalariek, arbitroek eta entrenatzaileek (emakumeak denak) beren ibilbidea eta bizi-esperientzia kontatuko dute prestakuntza-inguruneetan, eta erreferentzia izango dira ikasleentzat.

Jokalariekin egindako tailerrek, workshop-ek eta hitzaldiek eliteko jokalari batek sentitzen duena bizitzeko aukera emango diete adingabeei.

arbitra

Jardueretan parte hartzen duten neskek kolegiatuak ezagutu ahal izango dituzte, eta horiek arbitraje-taldeek futbolean duten garrantzia azaldu eta erakutsiko diete.

Jardueretan parte hartzen duten gazteek ere entrenatzaileekin lanaldiak izango dituzte, entrenatzaileek aulkian duten zereginarekiko interesa pizteko.

entrenadora